കോട്ടയം: കേരള നിയമസഭാ തെരഞ്ഞെടുപ്പിൽ യുഡിഎഫ് ശക്തമായ മുന്നേറ്റം തുടരുന്നതിനിടെ വികാരഭരിതമായ നിമിഷങ്ങൾ ശ്രദ്ധേയമാകുന്നു. അന്തരിച്ച മുൻ മുഖ്യമന്ത്രി ഉമ്മൻചാണ്ടിയുടെ മകൻ ചാണ്ടി ഉമ്മൻ, വോട്ടെണ്ണൽ പുരോഗമിക്കവേ തന്റെ സോഷ്യൽ മീഡിയയിലൂടെ “നമ്മൾ ജയിച്ചു അപ്പാ…” എന്ന കുറിപ്പോടെ ഒരു ചിത്രം പങ്കുവെച്ചു.
യുഡിഎഫ് നൂറിലധികം സീറ്റുകളിൽ ലീഡ് നേടുന്ന സാഹചര്യം വ്യക്തമായതോടെയാണ് ഈ പ്രതികരണം. സംസ്ഥാനത്താകെ ശക്തമായ യുഡിഎഫ് തരംഗം ഉയർന്നപ്പോൾ പുതുപ്പള്ളി വീണ്ടും ശ്രദ്ധാകേന്ദ്രമായി മാറിയിരിക്കുകയാണ്.
ഉമ്മൻചാണ്ടിയുടെ വിയോഗത്തിന് ശേഷമുള്ള ആദ്യ നിയമസഭാ തെരഞ്ഞെടുപ്പിൽ യുഡിഎഫിന് ലഭിക്കുന്ന ഈ വലിയ മുന്നേറ്റം അദ്ദേഹത്തോടുള്ള ആദരമായി പ്രവർത്തകർ കാണുന്നു. വികാരവും രാഷ്ട്രീയവും കൈകോർക്കുന്ന ഈ നിമിഷങ്ങൾ തെരഞ്ഞെടുപ്പ് ഫലങ്ങളുടെ പ്രത്യേകതയാകുന്നു.
