ചുരം അപകടം വീണ്ടും ആശങ്ക സൃഷ്ടിച്ചു. ചുരത്തിന്റെ ഒമ്പതാം വളവിന് താഴെയുള്ള ഭാഗത്ത് ബൊലീറോ ജീപ്പ് നിയന്ത്രണം വിട്ട് കൊക്കയിലേക്ക് പതിച്ച അപകടത്തിലാണ് യാത്രക്കാർ പരിക്കുകളില്ലാതെ അത്ഭുതകരമായി രക്ഷപ്പെട്ടത്.
അപകടത്തിൽപ്പെട്ട വാഹനത്തിലുണ്ടായിരുന്നത് മലപ്പുറം ജില്ല സ്വദേശികളാണെന്നാണ് ലഭിക്കുന്ന വിവരം. വാഹനം കൊക്കയിലേക്ക് മറിഞ്ഞെങ്കിലും യാത്രക്കാർ എല്ലാവരും സുരക്ഷിതരാണെന്ന് അധികൃതർ അറിയിച്ചു. അപകടത്തിൽ ആർക്കും ഗുരുതര പരിക്കുകളില്ലെന്നാണ് പ്രാഥമിക വിവരം.
അപകടവിവരം ലഭിച്ചതിനെ തുടർന്ന് ഹൈവേ പോലീസും ചുരം ഗ്രീൻ ബ്രിഗേഡ് പ്രവർത്തകരും ഉടൻ സ്ഥലത്തെത്തി രക്ഷാപ്രവർത്തനങ്ങൾ ഏകോപിപ്പിച്ചു. വാഹനത്തിലുണ്ടായിരുന്നവരെ സുരക്ഷിതമായി പുറത്തെത്തിക്കുകയും തുടർനടപടികൾ സ്വീകരിക്കുകയും ചെയ്തു.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*
അപകടത്തിന്റെ കാരണം സംബന്ധിച്ച് കൂടുതൽ അന്വേഷണം പുരോഗമിക്കുകയാണ്. മഴയും റോഡിലെ വഴുക്കലും ഉൾപ്പെടെയുള്ള സാഹചര്യങ്ങൾ പരിശോധിച്ച ശേഷമേ അപകടത്തിന്റെ കൃത്യമായ കാരണം വ്യക്തമാകൂ. ചുരം വഴി യാത്ര ചെയ്യുന്നവർ അതീവ ജാഗ്രത പാലിക്കണമെന്നും ഗതാഗതനിയമങ്ങൾ കർശനമായി പാലിക്കണമെന്നും അധികൃതർ നിർദേശിച്ചു.
