ലഹരിമരുന്ന് ഉപയോഗത്തിനും വിപണനത്തിനുമെതിരെ കേരള പോലീസ് നടത്തുന്ന ഓപ്പറേഷൻ തൂഫാൻ ശക്തമായി തുടരുന്നു. സംസ്ഥാനത്തിന്റെ വിവിധ ഭാഗങ്ങളിൽ നടത്തിയ പരിശോധനകളുടെ ഭാഗമായി ഇതുവരെ 15,830 പേരെയാണ് അറസ്റ്റ് ചെയ്തത്. കഴിഞ്ഞ ദിവസം മാത്രം 63 കേസുകളിലായി 69 പേർ കൂടി അറസ്റ്റിലായതോടെ ഓപ്പറേഷന്റെ ഭാഗമായി രജിസ്റ്റർ ചെയ്ത കേസുകളുടെ എണ്ണം 14,661 ആയി ഉയർന്നു.

ഓപ്പറേഷന്റെ ഭാഗമായി ഇതുവരെ 29,439.640 ഗ്രാം എം.ഡി.എം.എ, 2,010.574 കിലോഗ്രാം കഞ്ചാവ്, 1,283.91 ഗ്രാം മെത്താഫെറ്റമിൻ എന്നിവ പിടിച്ചെടുത്തിട്ടുണ്ട്.

*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*

കഴിഞ്ഞ ദിവസം രജിസ്റ്റർ ചെയ്ത കേസുകളിൽ സ്മാൾ ക്വാണ്ടിറ്റി കൈവശം വെച്ചതിന് 16 കേസുകളും മീഡിയം ക്വാണ്ടിറ്റിക്ക് നാല് കേസുകളും കൊമേഴ്ഷ്യൽ ക്വാണ്ടിറ്റിക്ക് മൂന്ന് കേസുകളും ഉൾപ്പെടുന്നു. എൻ.ഡി.പി.എസ് ആക്ട് പ്രകാരം 40 കേസുകളും കോട്പ നിയമപ്രകാരം 36 കേസുകളും രജിസ്റ്റർ ചെയ്തു. ഈ പരിശോധനകളിൽ നിന്ന് 272.260 ഗ്രാം എം.ഡി.എം.എ, 0.078 കിലോഗ്രാം കഞ്ചാവ്, 57.23 ഗ്രാം മെത്താഫെറ്റമിൻ എന്നിവയും പിടിച്ചെടുത്തു.

ലഹരിവിരുദ്ധ പ്രവർത്തനങ്ങളുടെ ഭാഗമായി ബോധവത്കരണ പരിപാടികൾക്കും പോലീസ് പ്രത്യേക പ്രാധാന്യം നൽകുന്നുണ്ട്. കഴിഞ്ഞ ദിവസം മാത്രം സംസ്ഥാനത്തുടനീളം 28 ബോധവത്കരണ ക്ലാസുകളാണ് സംഘടിപ്പിച്ചത്. ഇതോടെ ഇതുവരെ നടത്തിയ ബോധവത്കരണ ക്ലാസുകളുടെ എണ്ണം 12,025 ആയി. കൂടാതെ 1,114 കൗൺസിലിങ്ങുകളും സ്കൂൾ, കോളേജ് പ്രൊട്ടക്ഷൻ ഗ്രൂപ്പുകളുടെ നേതൃത്വത്തിൽ 8,245 ബോധവത്കരണ പരിപാടികളും സംഘടിപ്പിച്ചു.

ലഹരിമരുന്ന് വിപണനത്തെക്കുറിച്ചുള്ള വിവരങ്ങൾ പോലീസിനെ അറിയിക്കാം

ലഹരിമരുന്ന് വിൽപ്പനയോ വിതരണമോ സംബന്ധിച്ച വിവരങ്ങൾ പൊതുജനങ്ങൾക്ക് താഴെ പറയുന്ന നമ്പറുകളിൽ പോലീസിനെ അറിയിക്കാം.

• നേരിട്ട് വിളിക്കാം: 9497979794, 9497927797
• വാട്സ്ആപ്പ്: 9995966666

വിവരങ്ങൾ കൈമാറുന്നവരുടെ വ്യക്തിവിവരങ്ങൾ രഹസ്യമായി സൂക്ഷിക്കുമെന്ന് പോലീസ് അറിയിച്ചു. ലഹരിമുക്ത കേരളത്തിനായുള്ള പ്രവർത്തനങ്ങളിൽ പൊതുജനങ്ങളുടെ സഹകരണവും പോലീസ് അഭ്യർഥിച്ചിട്ടുണ്ട്.

4.52 കോടി പേർ പട്ടികയ്ക്ക് പുറത്ത്; ഒഴിവാക്കപ്പെട്ടവർക്ക് വീണ്ടും അവസരമൊരുക്കി കമ്മീഷൻ

എസ്ഐആർ (SIR) നടപടികളുടെ ഭാഗമായി കരട് വോട്ടർപട്ടികയിൽ നിന്ന് പേര് ഒഴിവാക്കപ്പെട്ടവർക്ക് വീണ്ടും പട്ടികയിൽ ഇടംനേടാൻ അവസരമൊരുക്കി കേന്ദ്ര തെരഞ്ഞെടുപ്പ് കമ്മീഷൻ. എസ്ഐആർ നടപടികൾ പുരോഗമിക്കുന്ന ഏഴ് സംസ്ഥാനങ്ങളിലെ വോട്ടർമാർക്കാണ് പുതിയ ഇളവ് പ്രഖ്യാപിച്ചിരിക്കുന്നത്. ഇതനുസരിച്ച് ഫോം 6 വഴി അപേക്ഷ നൽകാതെ തന്നെ അർഹരായവർക്ക് വോട്ടർപട്ടികയിൽ പേര് ചേർക്കാൻ സാധിക്കും.

ഡൽഹി, മഹാരാഷ്ട്ര, ഹരിയാന, ആന്ധ്രപ്രദേശ്, ജാർഖണ്ഡ്, തെലങ്കാന, നാഗാലാൻഡ് എന്നീ ഏഴ് സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും മുഖ്യ തെരഞ്ഞെടുപ്പ് ഓഫീസർമാർക്ക് ഇതുസംബന്ധിച്ച് കേന്ദ്ര തെരഞ്ഞെടുപ്പ് കമ്മീഷൻ നിർദേശം നൽകി. എന്യൂമറേഷൻ ഫോം ലഭിച്ചിട്ടും പൂരിപ്പിച്ച് തിരികെ നൽകാത്തവർക്കും പുതിയ അവസരത്തിന്റെ ആനുകൂല്യം ലഭിക്കും.

ഏഴ് സംസ്ഥാനങ്ങളിലായി ആകെ 4.52 കോടി വോട്ടർമാരാണ് കരട് പട്ടികയിൽ നിന്ന് ഒഴിവാക്കപ്പെട്ടത്. അർഹരായ നിരവധി വോട്ടർമാരെ പട്ടികയിൽ നിന്ന് നീക്കിയതിന് പിന്നിൽ ബിജെപിയാണെന്ന് പ്രതിപക്ഷ പാർട്ടികൾ നേരത്തെ ആരോപിച്ചിരുന്നു.

ഒഴിവാക്കപ്പെട്ടവരുടെ പട്ടിക പ്രസിദ്ധീകരിക്കണം

കരട് വോട്ടർപട്ടികയിൽ നിന്ന് ഒഴിവാക്കപ്പെട്ടവരുടെ പേരും അതിനുള്ള കാരണവും ബന്ധപ്പെട്ട പോളിങ് സ്റ്റേഷനുകളിലും പ്രദേശത്തെ സർക്കാർ ഓഫീസുകളിലും പ്രസിദ്ധീകരിക്കണം. കൂടാതെ മുഖ്യ തെരഞ്ഞെടുപ്പ് ഓഫീസറുടെ ഔദ്യോഗിക വെബ്സൈറ്റിലും ഈ വിവരങ്ങൾ ലഭ്യമാക്കണമെന്നും കമ്മീഷൻ നിർദേശിച്ചിട്ടുണ്ട്.

താമസം മാറാത്തവർക്ക് എങ്ങനെ അപേക്ഷിക്കാം?

നിലവിലെ താമസസ്ഥലത്ത് തന്നെ തുടരുന്നവരും ആദ്യഘട്ടത്തിൽ എന്യൂമറേഷൻ ഫോം ലഭിക്കാത്തവരുമായ വോട്ടർമാർക്ക് ഇതിന്റെ കാരണം വ്യക്തമാക്കുന്ന സത്യവാങ്മൂലം സഹിതം എന്യൂമറേഷൻ ഫോം സമർപ്പിക്കാം.

അതേസമയം, സംസ്ഥാനത്തിനുള്ളിൽ മറ്റൊരു സ്ഥലത്തേക്ക് താമസം മാറിയവർ വിലാസം മാറ്റുന്നതിനായി ഫോം 8 നൽകേണ്ടതില്ല. പകരം പുതിയ വിലാസം തെളിയിക്കുന്ന രേഖകൾ സഹിതം എന്യൂമറേഷൻ ഫോം സമർപ്പിച്ചാൽ മതിയാകും.

വീടോ സ്ഥിരമായ വിലാസമോ ഇല്ലാത്തവരുടെ കാര്യത്തിൽ ബൂത്ത് ലെവൽ ഓഫീസർ (BLO) നേരിട്ട് താമസസ്ഥലം സന്ദർശിച്ച് രേഖകൾ പരിശോധിച്ച് തുടർനടപടികൾ സ്വീകരിക്കും.

ഇതിനകം ഫോം 6 സമർപ്പിച്ചവർ വീണ്ടും എന്യൂമറേഷൻ ഫോം നൽകേണ്ടതില്ലെന്നും കേന്ദ്ര തെരഞ്ഞെടുപ്പ് കമ്മീഷൻ വ്യക്തമാക്കിയിട്ടുണ്ട്.