രാജ്യത്തെ എൽപിജി പാചകവാതക ഉപഭോക്താക്കളും പ്രധാനമന്ത്രി ഉജ്ജ്വല യോജന (PMUY) ഗുണഭോക്താക്കളും 2026 ജൂൺ 30-നകം നിർബന്ധമായും eKYC നടപടികൾ പൂർത്തിയാക്കണമെന്ന് കേന്ദ്ര സർക്കാർ നിർദേശിച്ചു. നിശ്ചിത സമയപരിധിക്കുള്ളിൽ ആധാർ അധിഷ്ഠിത പരിശോധന പൂർത്തിയാക്കാത്തവർക്ക് പാചകവാതക സബ്‌സിഡി ലഭിക്കുന്നതിൽ തടസ്സം നേരിടാൻ സാധ്യതയുണ്ടെന്നാണ് മുന്നറിയിപ്പ്.

നിലവിൽ eKYC പൂർത്തിയാക്കാത്ത ഉപഭോക്താക്കൾക്ക് മാത്രമാണ് ഈ നിർദേശം ബാധകമെന്നും, നേരത്തെ പരിശോധന വിജയകരമായി പൂർത്തിയാക്കിയവർ വീണ്ടും eKYC ചെയ്യേണ്ടതില്ലെന്നും അധികൃതർ വ്യക്തമാക്കിയിട്ടുണ്ട്.ആധാർ അധിഷ്ഠിത ബയോമെട്രിക് പരിശോധനയിലൂടെ യഥാർഥ ഗുണഭോക്താക്കളിലേക്ക് സബ്‌സിഡി കൃത്യമായി എത്തിക്കാനും വിതരണ സംവിധാനത്തിൽ കൂടുതൽ സുതാര്യത ഉറപ്പാക്കാനുമാണ് സർക്കാർ ഈ നടപടി ശക്തമാക്കിയിരിക്കുന്നത്. ഉപഭോക്താക്കൾക്ക് വീട്ടിലിരുന്ന് മൊബൈൽ ആപ്പുകൾ ഉപയോഗിച്ചോ, അതത് ഗ്യാസ് ഏജൻസികൾ വഴിയോ, എൽപിജി ഡെലിവറി ജീവനക്കാരുടെ സഹായത്തോടെയോ സൗജന്യമായി eKYC പൂർത്തിയാക്കാൻ കഴിയും.ഇൻഡെയ്ൻ ഗ്യാസ് ഉപഭോക്താക്കൾക്ക് IndianOil One ആപ്പും Aadhaar FaceRD ആപ്പും ഉപയോഗിച്ചാണ് ഫേസ് ബയോമെട്രിക് പരിശോധന നടത്തേണ്ടത്.

*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*

ഭാരത് ഗ്യാസ് ഉപഭോക്താക്കൾ Hello BPCL ആപ്പിലൂടെ OTP പരിശോധന പൂർത്തിയാക്കി eKYC ചെയ്യാം. അതേസമയം, HP ഗ്യാസ് ഉപഭോക്താക്കൾ HP Pay ആപ്പും Aadhaar FaceRD ആപ്പും ഉപയോഗിച്ച് ഫേസ് ഓതന്റിക്കേഷൻ നടത്തി നടപടിക്രമം പൂർത്തിയാക്കണം.ജൂൺ 30 അവസാന തീയതി അടുത്തിരിക്കുന്നതിനാൽ, ഇതുവരെ eKYC പൂർത്തിയാക്കാത്ത ഇൻഡെയ്ൻ, ഭാരത് ഗ്യാസ്, HP ഗ്യാസ് ഉപഭോക്താക്കൾ എത്രയും വേഗം പരിശോധന പൂർത്തിയാക്കി സബ്‌സിഡി ആനുകൂല്യങ്ങൾ തടസ്സമില്ലാതെ തുടരുമെന്ന് ഉറപ്പാക്കണമെന്ന് ബന്ധപ്പെട്ട അധികൃതർ നിർദേശിക്കുന്നു.