മദ്യ നികുതി കുറവ് വിവാദം: കോൺഗ്രസിലും യുഡിഎഫിലും എതിർപ്പ് ശക്തം; സമ്മർദത്തിൽ മുഖ്യമന്ത്രി വി.ഡി. സതീശൻവീര്യം കുറഞ്ഞ മദ്യത്തിന്റെ നികുതി കുറയ്ക്കാനുള്ള ബജറ്റ് പ്രഖ്യാപനത്തെ ചൊല്ലി കോൺഗ്രസിനകത്തും യുഡിഎഫ് മുന്നണിയിലും എതിർപ്പ് ശക്തമാകുന്നു. പ്രഖ്യാപനം പാർട്ടിയുടെയും മുന്നണിയുടെയും പ്രകടനപത്രികയിലെ നിലപാടുകൾക്ക് വിരുദ്ധമാണെന്ന വിമർശനമാണ് വിവിധ നേതാക്കളും സംഘടനകളും ഉയർത്തുന്നത്.കെപിസിസി മുൻ അധ്യക്ഷൻ വി.എം. സുധീരൻ മദ്യ നികുതി കുറയ്ക്കുന്ന തീരുമാനം വീണ്ടും വിമർശിച്ച് രംഗത്തെത്തി. ഇത് കോൺഗ്രസിന്റെ പ്രഖ്യാപിത നയങ്ങളുമായി പൊരുത്തപ്പെടുന്നില്ലെന്നും അദ്ദേഹം ചൂണ്ടിക്കാട്ടി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*
അതേസമയം, മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങളും ബജറ്റ് നിർദേശത്തോടുള്ള ആശങ്ക പരസ്യമായി പ്രകടിപ്പിച്ചു. ഉയർന്നുവന്ന ആശങ്കകൾക്ക് സർക്കാർ വ്യക്തമായ വിശദീകരണം നൽകണമെന്ന് അദ്ദേഹം ആവശ്യപ്പെട്ടു.ഇതിനൊപ്പം, കാന്തപുരം എ.പി. വിഭാഗവും മദ്യ നികുതി കുറയ്ക്കാനുള്ള തീരുമാനത്തിനെതിരെ ശക്തമായ നിലപാട് സ്വീകരിച്ചിട്ടുണ്ട്. ഇതോടെ സർക്കാർ സ്വന്തം മുന്നണിക്കുള്ളിൽ നിന്നുതന്നെ ശക്തമായ വിമർശനമാണ് നേരിടുന്നത്.ബന്ധുനിയമനവും ഗവൺമെന്റ് പ്ലീഡർ നിയമനവുമായി ബന്ധപ്പെട്ട വിവാദങ്ങൾക്കു പിന്നാലെ ഉയർന്ന ഈ പുതിയ പ്രതിഷേധം മുഖ്യമന്ത്രി വി.ഡി. സതീശൻ സർക്കാരിന് മറ്റൊരു രാഷ്ട്രീയ വെല്ലുവിളിയായി മാറുകയാണ്. ആദ്യ ബജറ്റിലെ നിർണായക പ്രഖ്യാപനത്തിനെതിരെ പ്രതിപക്ഷം അഴിമതി ആരോപണങ്ങളും ഉന്നയിച്ചതോടെ വിഷയത്തിന് കൂടുതൽ രാഷ്ട്രീയ പ്രാധാന്യം ലഭിച്ചിട്ടുണ്ട്.കോൺഗ്രസിലും യുഡിഎഫിലും വിവിധ ഘടകകക്ഷികളിൽ നിന്നുമുള്ള എതിർപ്പുകൾ ശക്തമാകുന്നതിനിടെ മുഖ്യമന്ത്രി ഇതുവരെ പരസ്യ പ്രതികരണം നടത്തിയിട്ടില്ല. ബജറ്റ് ചർച്ചകൾക്ക് മറുപടി പറയുന്ന വേളയിൽ സർക്കാർ നിലപാട് വ്യക്തമാക്കേണ്ട സാഹചര്യം രൂപപ്പെട്ടിരിക്കുകയാണ്.മദ്യ നികുതി കുറയ്ക്കാനുള്ള തീരുമാനം സർക്കാർ പിൻവലിക്കുമോ, അതോ നിലവിലെ പ്രഖ്യാപനവുമായി മുന്നോട്ടുപോകുമോ എന്ന ചോദ്യമാണ് ഇപ്പോൾ രാഷ്ട്രീയ കേരളം ഉറ്റുനോക്കുന്നത്.ആവശ്യമെങ്കിൽ ഇതിന് അനുയോജ്യമായ
