പനമരത്ത് നിരോധിത പുകയില ഉൽപ്പന്നങ്ങൾ വിൽപ്പന നടത്തിയെന്നാരോപിച്ച് ഒരാളെ പൊലീസ് അറസ്റ്റ് ചെയ്തു. പനമരം ചങ്ങാടക്കടവ് മാണിക്കോത്ത് ഷമീർ എം.എ (44)യെയാണ് പനമരം പൊലീസ് പിടികൂടിയത്.

കേരള പൊലീസിന്റെ ഓപ്പറേഷൻ തൂഫാൻ പ്രത്യേക പരിശോധനയുടെ ഭാഗമായി പനമരം എസ്.ഐ ജിഷ്‌ണു കെ.എസിന്റെ നേതൃത്വത്തിലുള്ള പൊലീസ് സംഘം ടൗണിലെ നെല്ലാറാട്ട്കുന്ന് റോഡ് ജംഗ്ഷനിൽ പരിശോധന നടത്തുന്നതിനിടെയാണ് പ്രതി കുടുങ്ങിയത്. പരിശോധനയിൽ വിൽപ്പനയ്ക്കായി സൂക്ഷിച്ചിരുന്ന 30 പാക്കറ്റ് ഹാൻസ് (Hans) പൊലീസ് പിടിച്ചെടുത്തു. ഓപ്പറേഷൻ തൂഫാൻ ലഹരി-പുകയില ഉൽപ്പന്നങ്ങളുടെ അനധികൃത വിൽപ്പനക്കെതിരെ സംസ്ഥാനവ്യാപകമായി നടക്കുന്ന പ്രത്യേക പരിശോധനയാണ്.

*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*

പ്രാഥമിക അന്വേഷണത്തിൽ വിദ്യാർത്ഥികൾ ഉൾപ്പെടെയുള്ളവർക്കും നിരോധിത പുകയില ഉൽപ്പന്നങ്ങൾ എത്തിച്ചിരുന്നുവെന്നാണ് പൊലീസിന്റെ സംശയം. പിടിച്ചെടുത്ത ഉൽപ്പന്നങ്ങൾ തെളിവായി കസ്റ്റഡിയിലെടുത്ത പൊലീസ് പ്രതിക്കെതിരെ ബന്ധപ്പെട്ട വകുപ്പുകൾ പ്രകാരം കേസെടുത്ത് തുടർനടപടികൾ ആരംഭിച്ചിട്ടുണ്ട്.