കേന്ദ്ര കാലാവസ്ഥ വകുപ്പിന്റെ മുന്നറിയിപ്പിനെ തുടര്ന്ന് ഇന്ന് (ഓഗസ്റ്റ് 24) വയനാട് ജില്ലയില് ഓറഞ്ച് അലര്ട്ട് പ്രഖ്യാപിച്ചു. ജില്ലയില് ശക്തമായതോ അതിശക്തമായതോ ആയ മഴ ലഭിക്കാന് സാധ്യതയുള്ളതിനാലാണ് ജാഗ്രതാ നിര്ദേശം നല്കിയിരിക്കുന്നത്.
മലയോര പ്രദേശങ്ങളിലെയും ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളിലെയും ജനങ്ങള് പ്രത്യേക ജാഗ്രത പാലിക്കണമെന്ന് അധികൃതര് അറിയിച്ചു. ശക്തമായ മഴ തുടരുന്ന സാഹചര്യത്തില് നദികള്, തോടുകള്, ജലാശയങ്ങള് എന്നിവയുടെ സമീപപ്രദേശങ്ങളിലുള്ളവര് ജാഗ്രത പാലിക്കണമെന്നും നിര്ദേശമുണ്ട്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യു
അത്യാവശ്യ സാഹചര്യങ്ങള് ഒഴികെ അപകടസാധ്യതയുള്ള പ്രദേശങ്ങളിലേക്കുള്ള യാത്രകള് ഒഴിവാക്കുകയും കാലാവസ്ഥാ മുന്നറിയിപ്പുകള് ശ്രദ്ധിക്കുകയും വേണം.
